jai nanda laalaa jai jai, jai gopaalaa jai jai

Shree raadhe govinda, man bhaj le hari kaa pyaaraa naam hai
gopaalaa hari kaa pyaaraa naam hai, nanda laalaa hari kaa pyaaraa naam hai

mor mukut sir galban maalaa kesar tilak lagaaye
vrindaavan ki kunj galin mein sabko naach nachaaye

Yamunaa kinaare dhenu charaave maadhav madan muraari
madhur muraliya jabhi bajaave har le sudh budh saari

Giridhar naagar kehti meera, sur ko shyaamal bhaayaa
Tukaaraam aur Naamdev ne vitthal vitthal gaaya

narsi-ne khadataal bajaa ke saanvariya ko rijhaaya
shabri ne apane haathon se prabhu ko ber khilaaya

jai nanda laalaa jai jai, jai gopaalaa jai jai

Raadha shakti binaa na koi shyaamal darshan paaye
aaradhan kar raadhe raadhe kaanha bhaage aaye

simran ka ras jisako aaya, vo hee jaane man mein
niraakaar saakaar hotare bhagaton ke aangan mein

shyaam salona kunja-bihaaree natavar leelaadhaaree
antarvaasee hari-avinaashee laage sharan tihaaree.

Tera Pyaara name he, Oh Tera pyaara name he
nanda laalaala tera pyaara name he
Madana gopaalaa tera pyaara name he
Munijana pala tera pyaara name he
Jai Jai gopaalaa tera pyaara naam he