rama rama ratate ratate
beetee re umariya
raghukul nandan kab aaoge
bhilanee kee dagariya

main shabaree bhilanee kee jaee
bhajan bhaav na jaanu re
raam tere darshan ke hit
van mein jeevan paaloon re
charanakamal se nirmal karado
daasee kee jhopadiya

roj savere van mein jaakar
phal chun chun kar laoongee
apane prabhu ke sanmukh rakh ke
prem se bhog lagaoongee
meethe meethe beron kee main
bhar laee chhabariya

shyaam salonee mohinee moorat
naiyano beech basaoongee
subah shaam nit uthakar mai to
tera dhyaan lagaoongee
pad pankaj kee raj dhar mastak
jeevan saphal banaungee
ab kya prabhu jee bhool gae ho
daasee kee dagariya

naath tere darshan kee pyaasee
main abala ik naaree hoon
darshan bin dooo naina tarasen
sunalo bahut dukhaaree hoon
haree roop mein darshan dedo
daalo ek najariya

rama rama ratate ratate
beetee re umariya
raghukul nandan kab aaoge
bhilanee kee dagariya