Ram Ka Sumiran

Ram ka sumiran Bada sukhdayee
Jug ke palak hein raghurayee

Ram sharan mein milta sahara
Doob rahay jo milta kinara
Ram ki mahima kaise sunaun
Ram ki leela samajh na paun
Ram se lagan lagai………
Ram ka sumiran bada sukhdayee

Ram ke rang mein khud ko rangaun
Jidhar bhi dekhun ram hi paun
Tan man mein jab ram baday ho
Ram ke meethe bol baday ho
Vipda nikat na aayee…..
Ram ka sumiran bada sukhdayee

Ram Ke Naam Bharose

Ram ke naam bharose chalna, jeevan ke har path par
Ram naam ko bana sarthi, kaya ke is rath par
Mere ram….mere ram….mere ram ram ram……(2)

Ram naam se mit jaye man ke duvidha aur kalesh
Har prani mein ansh ram ka, swami ye akhilesh
Ram ki mala bhajne wala, chalta nahin kupath par
Ram naam ko bana sarthi
Mere ram………mere ram……….mere ram ram ram

Ram naam ki amrit vani, bolo aathon yaam
Bhaw ghamand ka tyag karo aur karo surjan ko pranam
Bahut saral vishwas dagar hai, chhod prabhu samrath par
Ram naam ko bana sarthi
Mere ram…..mere ram….. mere ram ram ram………

Rishton ka mela bana jhamela, ram ki sudh ko vichar
Ram naam hai yaan moksh ka, ‘Bamnawat’ ho sawar
Chit mein ram basa kar apne, chalna sada supath par
Ram naam ko bana sarthi
Mere ram …mere ram…..mere ram ram ram………..

Ram Naam Japte Raho

Ram naam japte raho, jab tak ghat ghat mein ram
Ram bhajo, ram rato, ram sadho ram ram

Ram ki mahima ka koi aar na koi paar re
Lakh jatan kiye fir bhi na samjha sansaar re
Ram ke charno mein mile, is jug ke saray dham
Ram bhajo, ram rato, ram sadho ram ram……

Tan mein, man mein aur hirday mein ram ka gungaan ho
Har ghadi har pal har shan ram ka hi dhyan ho
Ram mein hi magn rahein, bhakti ho subah sham
Ram bhajo, ram rato, ram sadho ram ram……